Bashkia e Tiranës/ Kokëdhima sfidon Veliajn, shpall kandidaturën
Kryetari i partisë ZGJIDHJA dhe ish deputeti i Partisë Socialiste, Koço Kokëdhima, sfidon zyrtarisht kreun e Bashkisë së Tiranës, duke shpallur kandidaturën për numrin një të kryeqytetit.
Kokëdhima është shprehur se, sfidon Veliajn për kryetar të kryeqytetit, pasi ai është model i Rilindjes.
“Kam vendosur që t’i kërkoj mbështetje Kongresit të partisë ZGJIDHJE që t’i shpall garë Erion Veliajt për drejtimin e Bashkisë së Tiranës. Është shumë e rëndësishme, për ta bërë bashkinë të hapur për qytetarët, pushtet të qytetarëve, pushtet njerëzor dhe efektiv. Së dyti mendoj se është shume e rëndësishme që të ndërpresim vazhdimësinë e Erion Velisë, sepse Veliaj është një person shumë tipik përfaqësues sektit të Rilindjes, ka të njëjtën filozofi të njëjtë si Rilindja, njësoj si Rama, person i kulturës korrupsionit, merret thjesht me korruptimin”, tha Kokëdhima.
Por kreu i ZGJIDHJA shtoi se, nuk do të marrë pjesë në zgjedhjet e ardhshme lokale nëse opozita (PD-LSI) bojkoton procesin.
