Koço Kokëdhima humbet mandatin e deputetit, Kushtetuesja: Ka përfituar 150 tendera publikë

Gjykata Kushtetuese i ka hequr mandatin e deputetit Koço Kokëdhimës. Sipas vendimit të Gjykatës, Kokëdhima ka përfituar 150 tendera publikë.

Mandati i deputetit të Partisë Socialiste Koço Kokëdhima u dërgua në Kushtetuese nga Partia Demokratike me akuzën se ka përfituar para publike.

Vendimi i sotëm i Kushtetueses i dha të drejtë pretendimit të opozitës për mandatin e deputetit të Vlorës.

Ndërkohë, në seancat e mëparshme Koço Kokëdhima kishte kundërshtuar pretendimin e PD-së, duke thënë se argumenti i opozitës për kompaninë ‘Abissnet’ nuk qëndronte pasi e kishte shitur kur mori mandatin e deputetit në vetën e vitit 2013.

Por, sipas PD rezulton e kundërta në ekstraktin e QKR-së.