Lajme Politike

TIRANE Në bashkëbisedim me gazetarët kryedemokrati Lulzim Basha, tha sot se situata në vend po përkeqësohet nga dita në ditë, por qeveria nuk po bën asgjë në drejtim të përmirësimit, apo mbështetjes së qytetarëve. Basha u ndal edhe një herë në planin me 5 pika të rimëkëmbjes propozuar nga PD, ndërsa theksoi se qytetarët duhet të ndihmohen sot, dhe jo nesër.

Kryeministri Edi Rama tha sot se hyrja e sezonit të ftohtë të vitit dhe gripi sezonal mund të rrisë rrezikun nga COVID-19, shto këtu dhe ajrin e kondicionuar në ambiente të brendshme. Ndaj ai bëri thirrje që duke nisur nga e enjtja të gjithë me maska duke përfshirë dhe veten deri të paktën në shkurt, kur del gjethi dhe dielli.

Presidenti Ilir Meta thotë se përgjatë 8 viteve, Shqipëria ka vendosur vetëm një rekord pozitiv në procesin e integrimit, ndërsa kushtet sipas tij vetëm sa janë shtuar. I ftuar në “Opinion”, Meta tregon arsyen e vetme për të cilën bëri koalicion me kreun socialist, Edi Rama në vitin 2013. Meta tha se situata në Shqipëri është tejet e rëndë, e bazuar edhe për numrin e lartë të shqiptarëve që kërkojnë azil.

Ministri i Brendshëm Sandër Lleshaj i pyetur mbi akuzën e Edi Ramës se Ilir Meta takoi në skuta katundesh subjekte të OFL-së, u shpreh se “Nuk mund të hyj thellë në këtë temë, di këtë, që nuk kam asnjë gjë private. Dikush e di gjithmonë se çfarë bëj unë, sepse jam gjithë kohës i ruajtur” tha ai.

Vizita e raportuesit per Shqiperine ne Komisionin Evropian Oliver Varhelyi ka si qellim per te pare nga afer se deri ku ka shkuar shkelja e marreveshjes se 5 qershorit, me votimin e njeanshem qe iu be kodit. Varhelyi thote se shpreson qe kjo çeshtje mos ndikoje ne konferencen e pare nderqeveritare, qe pritet te mblidhet ne dhjetor per negociatat me BE-ne.