Maqedonia hap sot kufijtë, me kusht 14 ditë karantinë

0.8tabela kufi 696x4251592372598

Qeveria e Maqedonisë së Veriut ka sjellë vendim që prej sot  më 17 qershor të hapen të gjitha vendkalimet kufitare me zbatim të masave të cilat janë aktive.

Pra për të hyrë në Maqedoninë e Veriut e detyrueshme është të dorëzohet PCR test, jo më i vjetër se 72 orë.

Mbetet edhe masa për nënshkrim “Deklaratës për vetizolim në kohëzgjatje prej 14 ditë”, në bazë të cilës Inspektorati Sanitar dhe Shëndetësorë përgatit vendimin për mbikëqyrje mjekësore dhe izolim shtëpiak të cilën e kontrollon Ministria e Punëve të Brendshme.

Në njoftimin e Qeverisë, po ashtu shkruhet se mbetet në fuqi masa për karantinë shtetërore në kohëzgjatje prej 14 ditësh për të gjithë shtetasit ose të huajt që kanë qëndrim të rregullt në Maqedoninë e Veriut, të cilët gjatë hyrjes në territorin e vendit nuk kanë test PCR, raporton TV21.

Po ashtu mbetet mundësia që qytetarët që janë në karantinë shtetërore dhe që duan të testohen me test PCR, sipas kërkesës së tyre, t’u mundësohet në afat sa më të shkurtër nga ana e autoriteteve kompetente.

Ata qytetarë që rezultojnë negativë në testin PCR, duhet të nënshkruajnë deklaratë për vetëizolim 14-ditor, e këtu llogariten edhe ditët e kaluara në karantinë shtetërore.

Kështu ata e lëshojnë karantinën shtetërore dhe shkojnë në vetëizolim të obligueshëm në atë adresë të cilën e japin gjatë firmosjes së deklaratës së vetëizolimit.

Qytetarët që nuk duan të bëjnë test PCR dhe mbeten në karantinë shtetërore 14 ditore, pas kësaj autoritetet përgjegjëse, Inspektorati Sanitar dhe Shëndetësor, u përgatit vendimin për mbikëqyrje shëndetësore dhe vetëizolim shtëpiak.

 

LEXO TE NGJASHME

BIZNESE TE REKOMANDUARA

BIZNESE TE ZONES

ALBEST.AL

Ky website kontrollohet dhe menaxhohet nga Albest.al. Të gjitha materialet , përfshirë fotografitë, janë e drejta autoriale e Albest.al. Materialet nuk mund të kopjohen, riprodhohen, ripublikohen, modifikohen, transmetohen, ose distribuohen në çfarëdo mënyre, pa lejen paraprake të Portalit Albest.