Pavarësisht kushteve atmosferike aspak të favorshme, rreth 1500 elektricistë ndodhen në gjendje gatishmërie, duke punuar për eleminimin e avarive.

Duke filluar nga dita e sotme, paga minimale në vendin tonë nuk do të jetë më 30 mijë lekë por 32 mijë lekë. Vendimi i qeverisë ishte parashikuar që të hynte në fuqi në datën 1 Korrik por si pasojë e rritjes së çmimeve dhe krizës së shkaktuar prej luftës në Ukrainë ai hyn fuqi që ditën e sotme.

Cmimet e produkteve të shportës do të monitorohen çdo javë nga bordi i transparencës që përcakton marzhin e fitimeve të bizneseve. Për subjektet që nuk do të respektojnë vendimet, do të vendosen gjoba. Pikat e shumicës do të gjobiten deri në 10 milionë lekë, ndërsa për tregtarët e vegjël gjoba do të kapë shifrën dy milionë lekë. Në rast të përsëritjes së shkeljeve, bizneset do të dënohen me mbyllje të aktivitetit deri në sekuestrimin e mallit.

Besimtarët myslimanë nisin nesër muajin e shenjtë të Ramazanit, agjërimin që zgjat një muaj. Sipas fesë islame, çdo besimtar mysliman, duhet të agjërojë për 30 ditë me radhë, në shenjë solidariteti me të varfrit, si dhe të ndajë ushqimin gjatë këtij muaji me nevojtarët.