Një atmosferë e gëzueshme ndihet në sheshin Skënderbej me organizimin e panairit “shijo produktet lokale” ku marrin pjesë më shumë se 200 biznese me qëllimin e promovimit të produkteve të fshatit.

Komiteti Teknik i Ekspertëve vendosi se të gjithë personat mbi 60 vjeç që kanë kryer të dyja dozat e vaksinës anti-Covid dhe kanë kaluar 6 muaj nga doza e dytë, mund të kryejnë të tretën, duke nisur nga data 1 nëntor. Gjithashtu është vendosur që të ftohen të gjithë fëmijët mbi 16 vjeç si dhe fëmijët 12-15 vjeç që paraqesin sëmundje që kanë të bëjnë me ulje të imunitetit.

Arban Domi, drejtor i zhvillimit të vaksinave pranë “Geovax” nuk sugjeron marrjen e një doze të tretë për individët e shëndetshëm por inkurajon që të bëjnë një gjë të tillë moshat e thyera.

Leja e ndërtimit për linjën hekurudhore Tiranë-Durrës, ajo për centralin fotovoltaik të Qyrsaqit si apo Porti i Jahteve Marina Rodon janë disa lejet që Këshilli Kombëtar i Territorit miratoi në mbledhjen e tij të parë qysh nga nisja e punës së qeverisë së re.