ASISTENCA FAMILJARE - KUJDESI NDAJ FEMIJEVE & TE MOSHUAREVE

ASISTENCA FAMILJARE

Kompania jonë lindi si një dëshirë për tu bërë prezent në shoqërinë tonë me shërbimet e nevojshme për kategorinë e personave që më së shumti kanë nevojë për kujdesin e të tjerëve, fëmijët dhe të moshuarit.

Këto shërbime kanë ardhur si rezultat i kushteve të reja të jetesës dhe të punës, që sjellin nevojën për zgjedhjen e një shërbimi dhe një prezence të kualifikuar për shumë familje, dhe veçanërisht njohje për trajtime profesionale për nevojat e reja dhe shërbime pak të përdorura më parë në shoqërinë shqiptare.

Në këtë sipërmarrje ne jemi bazuar në ndërthurjen e përvojës italo-shqiptare në fushën e kujdesit familjar.

Ne e dimë që përfshirja e një personi të panjohur në ambjentet familjare është e vështirë, dhe për këtë, përveç besueshmërisë, një nga kriteret bazë që kërkojmë tek punonjësit tanë gjatë selektimit është cilësia e empatisë. (e ndjesisë së natyrshme të personit për të qënë i ndjeshëm ndaj të tjerëve) .

Filozofia jonë është ofrimi i shërbimit cilësor, në mënyrë që individët në nevojë për kujdes të mund të qëndrojnë pranë ambjentit familjar dhe të mund të vazhdojnë të jetojnë sipas stilit të përzgjedhur të jetesës, pavarësisht moshës, kufizimit të aftësive fizike e konjitive, apo vendndodhjes gjeografike. Prioriteti ynë do të jetë gjithmonë dedikimi ndaj nevojave të klientit, duke respektuar atë çka është e rëndësishme për të dhe familjen e tij.