Tensione në protestën para Kuvendit – Shoqërohen pesë protestues në Tiranë

Ka shkuar në pesë numri i qytetarëve të shoqëruar nga Policia e Shtetit gjatë protestës së zhvilluar para Kuvendit të Shqipërisë. Personat janë shoqëruar në Komisariatin nr. 1 në Tiranë, pas tensioneve të regjistruara gjatë tubimit. Ndërkohë, protesta vijon para Parlamentit, ku qytetarët kanë rrethuar godinën dhe kanë vijuar thirrjet kundër qeverisë, duke kërkuar dorëheqjen e kryeministrit Edi Rama. Në terren vijojnë të jenë forca të shumta policie dhe efektivë të FNSH-së.