Çfarë ha dhe sa fle njeriu më i pasur në botë?

Mund të thoni se njerëzit me pasuri të mëdha përdorin metoda speciale për të ruajtur shëndetin, produktivitetin dhe fokusin, por e vërteta është ndryshe. Elon Musk, njeriu që zë vendin e parë në listën e njerëzve më të pasur, ka rregulla të veçanta që ai i përmbahet rreptësisht.

Musk ka zbuluar se”është e vështirë që të qëndrojë në formë sepse po plaket gjithnjë e më shumë”.“Për të qenë i sinqertë, më mirë do të ha ushqim të shijshëm dhe të jetoj një jetë më të shkurtër”, tha ai duke shtuar se është i vetëdijshëm për rëndësinë e mbajtjes së peshës, ndaj nuk e anashkalon kurrë mëngjesin.

Ai ha kryesisht omëletë, dhe i pëlqen skara. Preferon kuzhinën franceze dhe gjermane. Njeriu më i pasur fle çdo natë deri në gjashtë orë e gjysmë, që është pak më pak se rekomandimi i mjekut që duhet të flemë shtatë deri në nëntë orë. “Gjumi është i mrekullueshëm. Jam i mërzitur nëse nuk fle mjaftueshëm.

Mund të rrija zgjuar më gjatë, por më pas do të punoja më pak, sepse mungesa e gjumit ndikon në fokusin tim”, shpjegoi miliarderi, i cili nuk ha apo pi asnjëherë alkool dy deri në tre orë para se të shkojë në shtrat, sepse prish gjumin.

Sipas vlerësimeve të Forbes, pasuria neto u rrit në 255.2 miliardë dollarë pas mbylljes së tregut dje. Kjo shifër e bën njeriun më të pasur të të gjitha kohërave që ka ecur ndonjëherë në planet. Ai është më i pasur se çdo miliarder që Forbes ka analizuar ndonjëherë. Pasuria e Musk vlen më shumë se ajo e bashkëthemeluesit të Google, Larry Page, dhe CEO-s së Facebook, Mark Zuckerberg, së bashku.

Për pjesën më të madhe të pasurisë, Musk duhet të falënderojë kuotën prej 21% të aksioneve në Tesla, të cilën e ndihmoi që në fillim, së pari si investitor, thuajse dy dekada më parë. Të premten aksionet u mbyllën në kuotën 910 dollarë. Mesditën e së hënës, aksionet u rritën në rreth 978 dollarë secili, me rritje 33% nga fillimi i vitit. Në orën 16:00, kapitalizimi i tregut të Tesla kapërceu për herë të parë 1 mijë miliardë dollar.

Aksionet arritën në fund të ditës në 1.024,86 dollarë secili, në rritje me 12.6% në një ditë. Musk ka aksione edhe në shoqërinë e eksplorimit të hapësirës SpaceX. Së fundi, kompania është vlerësuar nga investitorët në 74 miliardë dollarë, pas një financimi në shkurt.