Receta për detoksikim
Smogu në dimër nuk ka qenë diçka për tu shpërfillur. Ashtu sikurse mungesa e ditës dhe e diellit ka pasur ndikimet e veta. Më së shumti keni qëndruar brenda në ajër të ndenjur ose të kondicionuar... si mund ta pastrojmë organizmin? Kjo është çështja. Por mënyrat ekzistojnë...
Lëng pastrues me mollë jeshilë dhe xhenxhefil
Doni të pastroheni? Për ta bërë më mënyrën më të mirë përgatisni këtë lëng të shtrydhur me bazë ushqimesh pastruese.
Mjaftojnë pak përbërës për të krijuar një lëng me aftësi pastruese që do t’ju ndihmojë të ndiheni menjëherë të lehtë. Zgjidhni ngjyrën e gjelbër për të arritur një lëng që ju ngop dhe ka vlera ushqyese e njëkohësisht ndihmon organizmin tuaj të pastrohet.
Merrni një mollë jeshile pak spinaq gjethevogël dhe fare pak xhenxhefil. Molla jeshile ka përmbajtje të ulët sheqeri dhe duke qenë një ushqim yndyrë-djegës do t’ju ndihmojë të mbani nën kontroll peshën; ajo kryen një veprim antioksidues dhe ndihmon lëkurën të bëhet mw e ndritshme. Kurse spinaqi e furnizon trupin tuaj me një sasi të mirë energjie. I pasur në hekur ai do t’ju ndihmojë edhe për të rritur mbrojtjen tuaj imunitare.
Në fund xhenxhefili, një përshpejtues i mirë i metabolizmit, e ndihmon procesin e pastrimit të organizmit me një lehtësi të skajshme.
Futini të tre këta përbërës në cetrifugë: sipas dëshirës mund të shtoni edhe lëngun e një lime (limon jeshil) që do ta bëjë pijen më freskuese dhe të lehtë.
