Fileto peshku me krem bizelesh

Përbërësit:

-4 trofta të pastruara nga halat ose peshk tjetër sipas dëshirës

-200 g bizele kokërr

-200 g patate

-4 domate të thata

-1 qepë

-vaj ulliri

-kripë e piper sipas nevojës

Përgatitja

Në një tigan me pak vaj vëmë filetat e peshkut të skuqen nga të dyja anët për pak minuta. Shuajmë zjarrin dhe i lëmë mënjanë.

Në një tenxhere me ujë të kripur ziejmë bizelet, qepën dhe patatet të grira në kubikë, pasi t’i kemi qëruar. Kur patatet janë zbutur, i heqim me një kullesë dhe i hedhim në mikser me pak vaj ulliri.

I grijmë derisa të kemi një krem homogjen dhe i rregullojmë për kripë e piper. Ndajmë kremin e bizeleve nëpër pjata, vëmë sipër filetat e peshkut dhe copa domatesh të thata. E spërkasim të gjithën me pak vaj ulliri.