Supa perfekte me peshk behet keshtu

Shumëllojshmëri peshqish, erëzash dhe domate janë përbërësit e pazëvendësueshëm për këtë pjatë që di kaq shumë gjëra për detin dhe verën.
Dhe mos harroni copat e bukës (croutons) për t’i shtuar në supë dhe pak verdhë të bardhë për shoqërim. Ja disa këshilla se si ta përgatisni:
Për 6 persona ju duhen 3 kg peshk, më mirë nëse keni lloje të ndryshëm. I gjithë peshku duhet pastruar, kulluar dhe ndarë në fileto. Përgatisni një salcë me qepë, selino dhe karrota, shtoni kokat e peshqve, domatet dhe shuajini me një gllënjkë verë të bardhë.
Shtoni ujë dhe lëreni të ziejë për 30 minuta me mbulesë.
Më pas kalojini në grirëse perimet që të bëni një lëng të trashë dhe shtoni peshqit, në varësi të butësisë. Lërini të gatuhen për ndonjë minutë dhe hidhjuni kripë dhe më pas hidhjuni ndonjë gjethe borziloku të freskët.

1
Peshqit me luspa duhen pastruar gjithmonë para se t’i përdorni për supë.

2
Kokat e peshqve nuk hidhen; nevojiten për të përgatitur lëngun, i cili hidhet më pas në salcën me qepë, karrota dhe selino për të zier peshkun.

3
Për një supë të shijshme ju duhen peshk gjel, peskatriçe, barbun, oktapod, sepje, karkaleca, molusqe.

4
Peshqit hidhen në kohë të ndryshme; në fillim ata me mish më të fortë, më pas ata me më të butë.

5
Hapini molusqet mënjanë, në një enë pa përbërës shtesë. Filtrojeni më pas ujin e tyre dhe shtojani të lëngut të supës.

6
Supat shërbehen gjithmonë me bukën mënjanë. Nëse dëshironi mund të hidhni dhe hudhër për një shije shtesë.

7
Ena më e mirë për të gatuar supën me peshk është ena prej balte.