Femijet te rrezikuar nga astma bronkiale, ja disa keshilla
Astma bronkiale eshte semundja me e shpeshte kronike e rrugeve te frymemarrjes te femijet. Numri i femijeve te prekur nga kjo semundje eshte rritur ndjeshem gjate viteve te fundit. Kjo lidhet me një sërë faktorësh si ndryshimi i mënyrës së jetesës, ku përfshihen ndryshimet në kushtet brenda shtëpisë: ngrohja me kondicionerë, prania e tapeteve, perdeve të rënda, etj. Gjithashtu dhe mënyra e ushqyerjes, duke synuar më tepër ushqimet e gatshme dhe pikante. Një faktor tjetër është dhe prania e kafshëve shtepiake: si mace, qen, etj.
Mbi 75 % e fëmijeve të cilet janë të diagnostikuar me astmë bronkiale jetojnë në zonat urbane, ndërsa pjesa e tjetër në zonat rurale. Kjo për vet faktin se në zonat urbane ndotja e ambjentit është shumë më e lartë se në zonat rurale. Kjo ndotje është përgjegjëse direkte për inflamacionin e mukozës bronikale, por gjithashtu ndikon indirekt duke favorizuar shfaqjen e alergjisë.
Sipas statistikave të ndryshme, më të prekur janë rreth 6-10 % e popullatës nën 15 vjeç, ndërsa simptomat e para të astmës ne 90 % të rasteve fillojnë para moshës 4-5 vjeç.
Kujdes, sigurohuni që femija juaj të mos jetojë në ambjente të mbyllura por në ambjente të ajrosura mirë, dhe gjithshtu të shëtisë sa më shumë kryesisht në natyrë.
