COVID: Bari që lufton simptomat e lehta
Qytetarët e Tajlandës përdorin një barishte të hidhur të quajtur " Andrographis paniculata’për të trajtuar simptomat e lehta të COVID-19.
I quajtur ‘mbreti i hidhërimit’ kjo barishte është e njohur si nga mjekët ashtu dhe nga banorët e vendit aziatik dhe është aq popullor por sa paracetamoli për trajtimin e ftohjes dhe gripit.
Në vitin 1991, studiuesit në Universitetin Mahidol në Bangkok kryen një provë klinike dhe arritën në përfundimin se 6 gramë të kësaj barishte në ditë ishin po aq efektive sa 4 gram paracetamol për të lehtësuar temperaturën dhe kollën e thatë tek pacientët me inflamacion të faringut dhe bajameve.
“Që atëherë, rishikime të ndryshme kanë zbuluar se kjo bimë mund të jetë më efektive se placebo në trajtimin e infeksioneve të traktit të sipërm respirator pa komplikime dhe efektet anësore të raportuara janë të lehta dhe jetëshkurtra” shprehen studiuesit.
Duke ndjekur tendencën globale për përdorimin e ilaçeve për ftohjen dhe gripin për lehtësimin e simptomave të lehta të COVID-19 dhe në dritën e urgjencës, autoritetet shëndetësore të Tajlandës ua dhanë këtë barishte 11,800 të burgosurve me simptoma të lehta të infeksionit të traktit të sipërm respirator.
Ata pretendojnë se 99% e tyre janë shëruar, duke bërë që Ministria e Shkencës, Kërkimit dhe Inovacionit të vendit të rekomandojë që pacientët asimptomatikë të marrin 180 mg barishte në ditë, në tre doza të ndara në vakte.
