Studimi: Një e treta e të shëruarve nga koronavirusi kanë të paktën një simptomë afatgjatë
Të paktën një simptomë afatgjatë është regjistruar në më shumë se një të tretën e njerëzve që janë infektuar me koronavirus, sipas një studimi të Universitetit të Oksfordit dhe Institutit Shtetëror të Kërkimeve Shëndetësore në Britaninë e Madhe.
Raporti thotë se simptoma afatgjata janë vërejtur tek njerëzit që ishin infektuar me koronavirus tre deri në gjashtë muaj më parë.
Simptomat më të zakonshme janë problemet e frymëmarrjes, lodhja, dhimbja dhe ankthi.
Provat u kryen në më shumë se 270,000 njerëz të shëruar nga Covid-19.
Studimi nuk dha detaje mbi shkakun, shkallën ose kohëzgjatjen e simptomave afatgjata.
