Nuk ka mjaftueshëm prova se vitamina D ju mbron nga Covid-19
Një panel ekspertësh në Britani ka arritur në përfundimin se nuk ka mjaftueshëm prova se vitamina D i mbron njerëzit nga Covid-19.
Sipas BBC, paneli i shkencëtarëve thonë se duhen studime shtesë.
Megjithatë, kushdo është i këshilluar që të vazhdojë të marrë këto suplemente ditore që të mbajë kockat dhe muskujt të shëndetshëm.
Më herët disa studime kanë sugjeruar se ka një lidhje mes vitaminës D, e cila njihet edhe si vitamina e rrezeve të diellit, me Covid-19. Kjo për shkak se kjo vitaminë mendohet se ndihmon kundër viruseve respiratore.
Por studiuesit thonë se nuk ka prova se kjo vitaminë parandalon apo kuron sëmundjen.
Marrja e vitaminës D në dimër këshillohet për shkak se njerëzit nuk kalojnë shumë kohë jashtë. Kjo do të thotë më pak vitaminë nga rrezet e diellit.
Vitamina D gjendet edhe në disa ushqime, siç është peshku dhe drithërat.
