Imuniteti nga koronavirusi mund të zgjasë deri në 6 muaj
Imuniteti te njerëzit që janë prekur nga koronavirusi mund të zgjasë deri në 6 muaj. Kështu thuhet në një studim, duke ngritur sërish pikëpyetje mbi ato që njihen si ‘pasaportat e imunitetit’.
Studimi është kryer nga Universiteti i Amsterdamit. Ata kanë ndjekur ecurinë e imunitetit nga koronaviruset për të paktën 35 vite.
Nga katër koronaviruse që shkaktojnë ftohjen e zakonshme u mësua se ato lënë pas një periudhë shumë të shkurtër imuniteti mbrojtës.
Sipas studimit, gjashtë muaj më pas, nivelet e antitrupave reduktohen ndjeshëm.
Për shkak se koronaviruset janë të ngjashëm, mendohet se një gjë e tillë ndodh edhe me koronavirusin e ri.
Ky lajm vjen në kohën kur shumë kompani në botë janë në garë për të prodhuar një vaksinë që ofron mbrojtje ndaj sëmundjes së re.
