Ventilatorët problem për shpërndarjen e virusit; Ja çfarë thotë Massimo Andreoni, Profesori i Sëmundjeve Infektive
Që në fillimet e përhapjes së Koronavirusit ekspertët këshilluan që most ë përdorej kondicioneri pasi ndihmonte në përhapjen e virusit. Por tani më shumë se kondicioneri janë ventilatorët ato që mund të përkeqësojnë gjithë situatën.
Deklarata vjen nga Massimo Andreoni, Profesori i Sëmundjeve Infektive në Universitetin e Romës “Tor Vergata” dhe drejtori shkencor i Shoqatës Italiane të Mjekësisë Infektive dhe Tropikale (Simit).
Teksa foli për çështjen e ventilatorëve dhe ajrit të kondicionuar, ka bërë një dallim të qartë
“Më shumë se kondicioneri, ventilatorët rrisin distancën e përshkuar nga virusi. Grimcat mund të shpërndahen më shumë se 1.5 metra”, tha specialisti i sëmundjeve infektive duke folur për Agorà në Rai Tre.
