ISHP: Mos e trajtoni sëmundjen e gripit me antibiotikë!
Nisur nga situata e rëndë e gripit në rajonin tonë, Instituti i Shëndetit Publik ka insistuar dhe sot në dhënien e këshillave për qytetarët shqiptarë dhe udhëzimet sesi duhet të reagojnë nga gripit.
Në një njoftim në Fb, ISHP ka theksuar sot “Mos e trajtoni gripin me antibiotikë. Pacientët që janë në gjendje të rëndë, të shtruar në spital me grip, mund të trajtohen me ilaçe antivirale specifike për gripin. Mos e trajto sëmundjen e gripit me antibiotikë. Sëmundja e gripit shkaktohet nga viruse dhe jo nga bakterie.”
Dhe në fund të njoftimit, jepet këshilla më e pësëritur nga ISHP: "Vaksinohuni, mbroni pacientët, mbroni familjen, mbroni vetveten.”
