Ja çfarë e mbron mëlçinë tuaj nga kanceri
Si mund ta përgjysmoni rrezikun për t’u prekur nga kanceri i mëlçisë? Ka një mënyrë thonë shkencëtarët dhe është pikërisht ajo që mendoni se mund t’ju dëmtojë. Ky është rezultati i një studimi të drejtuar nga Oliver Kennedy në Universitetin e Southampton në Britani të Madhe, botuar në revistën “BMJ Open”. “Të pish pesë filxhanë kafe ose më shumë mund të përgjysmojë rrezikun për kancer në mëlçi, ndërsa vetëm një filxhan e redukton me një të pestën rrezikun e këtij tumori”.
Ekspertët kanë analizuar informacione mbi konsumin e kafes nga 2,250 milionë persona gjithësej (të përfshirë në një total prej 26 studimesh të mëparshme) duke dalë në përfundimin se konsumi i një filxhan kafe në ditë redukton rrezikun e kancerit në mëlçi me 20 për qind por nëse pihen pesë në ditë mund të shkohet në përgjysmim të rrezikut. Përveç antioksiduesve dhe anit-inflamatorëve që është e pasur kjo pije, mendohet se kafeina ka edhe një rol qendror mbrojtës që ushtrohet nga kafeja, madje është verifikuar se kafja dekafeinato ka më pak efekt kundër tumorit.
