Saga gjyqesore Apple-Samsung
Prej thuajse nje dekade tashme, Apple dhe Samsung kane mberthyer dhembet me njera-tjetren per dominimin ne tregun e telefonave inteligjente. Perplasja e tyre shpesh ka perfunduar ne dyert e gjykatave ne Shtetet e Bashkuara dhe ne Korene e Jugut.
E tille eshte beteja qe mori udhe pese vite me pare. Apple paditi ne ate kohe kompanine koreano-jugore se kishte kopjuar ne forme, permbajtje dhe thelb produktin e vet me te suksesshem, iPhone.
Pasi u konsumua ne te gjitha shkallet e gjyqesorit amerikan, çeshtja mberriti deri ne Gjykaten Supreme, e para e ketij lloji qe prej 120 vitesh. Kjo e fundit vendosi unanimisht rrezimin e nje urdhri qe e detyronte Samsung te paguaje 399 milione dollare per llogari te Apple.
Gjykata Supreme riktheu per gjykim çeshtjen ne Apelin Federal, qe duhet te vendose perfundimisht sesa duhet te paguaje kompania koreano-jugore ne llogarite e kompanise amerikane.
Apple paditi Samsung ne vitin 2011 se me produktet Galaxy kishte shkelur patentet e Apple per iPhone-t. Nje vit me vone, gjykata e shkalles se pare i dha te drejte kompanise amerikane qe gjobiti Samsung me plot 930 milione dollare. Koreano-jugoret apeluan vendimin dhe vitin e kaluar Apeli Federal uli gjoben ne 548 milione dollare.
Gjykata argumentoi se gjoba perllogariste perfitimet totale te Samsung nga shitja e produkteve qe kane shkelur te drejtat e Apple. Por kompania koreano-jugore dergoi ne Gjykaten Supreme kete vendim duke kerkuar qe gjoba te aplikohet vetem per aspektet qe ka kopjuar, jo per gjithe vleren e pajisjes.
Shpresa e Samsung eshte qe te reduktoje me 399 milione dollare gjoben fillestare prej 548 milione dollare, duke paguar per Apple 149 milione.
