Kjo është makina e re BMW X7, luks, forcë dhe hapësirë
BMW planifikon që në fund të vitit 2018 të sjell SUV e cila qëndron në maje të linjës X. Makina e re BMW X7 do të jetë më i madh se X5 apo X6 dhe do të jetë rival i Mercedes-Benz GLS dhe Range Rover.
Auto Zeitung.de, raportoi se ky model i X7 tani është duke u testuar në rrugët publike dhe bazohet në platformën e gjeneratës së re të X5.
Modeli ne fjale do të jetë më i gjatë se X5, me saktesisht 5.25 metra i gjatë dhe do të mbajë 7 pasagjerë në një luks maksimal që BMW ka ofruar ndonjëherë.
Motorët pritet të vijnë nga BMW Seria 7, pra motori I6 3.0-litër me turbo të dyfishtë nga 740i dhe motori V8 4.4-litër me turbo të dyfishtë nga 750i.
Ka gjasa që të ketë një model hibrid dhe një tjetër variant sportiv me motor V12 6.6-litër nga M760Li, por mos prisni që ky model të vijë me motor 2.0 –litër dizel.
