Cfare merr me vete nje astronaut ne gjithesi

Në gjithësi nuk ka makina rrobalarëse. Ujë është i rëndë dhe vetvetiu edhe i shtrenjtë për 400 km transport të gjatë në Stacionin Ndërkombëtar të Gjithësisë. Kjo do të thotë që pikërisht ajo që mendoni – astronautët duhet patjetër të mbajnë të veshura të njëjtat rroba, duke përfshirë edhe rrobat e brendshme, disa ditë rresht para se të mund të veshin rroba të pastra.

Andaj, shtrohet pyetja – çka kanë astronautët në valixhet e tyre kur shkojnë në gjithësi? Instruktori dhe inxhinieri i NASA-s, Robert Frost, ju lejon të shihni se çka gjendet në valixhen e udhëtimit të astronautit:

- Një palë atlete për vrapim

- Një palë atlete për vozitje biçiklete

- Një palë veshje sportive për ushtrime për tri ditë

- Një këmishë pune për dhjetë ditë qëndrimi

- Një fanellë për punë për dhjetë ditë qëndrimi

- Një palë pantallona pune për dhjetë ditë qëndrimi

- Një palë brekësh për dy ditë qëndrimi

- Një palë çorape për dy ditë qëndrimi

- Dy duksa

- Dy kombinezone – këto janë të obligueshme.

Kjo listë nuk përfshin rrobat e gjithësisë të cilat astronauti i ka të veshura gjatë fluturimit dhe aterrimit dhe të cilat i përdor për shëtitje në gjithësi.

NASA thekson që për shkak që astronautët jetojnë në ambiente të kontrolluara dhe nuk dalin jashtë, pos kur i kanë të veshura rrobat e veta të gjithësisë, rrobat e tyre nuk ndoten, siç do të ishte rasti në Tokë.

Pjesën më të madhe të rrobave që ata e marrin me vete në Stacionin ndërkombëtar të gjithësisë nuk e kthejnë në Tokë.

Rrobat e ndotura paketohen në thasë të cilat pastaj i vendosin në mjetin për furnizim, i cili disa herë në vit shkon deri në Stacionin e gjithësisë, por që nuk kthehen në tokë sepse kapsulat digjen kur hyjnë në atmosferë.