Apple lëshon iOS 11
Lëshimi zyrtar i iOS 11 është bërë ditën e djeshme, më 19 shtator.
Versioni më i ri i sistemit operativ të Apple do të jetë i disponueshëm për shkarkim direkt nga iPhone, ose nga kompjuteri me anë të iTunes.
iOS 11 do të sjellë shumë funksione të reja, ndër të cilat grafikën e re të Control Center, dërgimin e pagesave me anë të Apple Pay, nëpërmjet iMessage, një aplikacion të ri për menaxhimin e dosjeve, e të tjera.
Ky version i iOS do të jetë i disponueshëm për iPhone 5s dhe modelet që vijnë pas tij, iPad Air dhe iPad Pro ose modelet më të reja, iPad i gjeneratës së pestë, iPad mini 2 dhe modelet pasardhës dhe iPod touch i gjeneratës së gjashtë.
