Autoritetet italiane kanë ekzekutuar djegien e 2 tonë kokainë e cilësisë mjaft të pastër.

Operacioni kompleks i transportit e shkatërrimi të një sasie kaq të madhe kokainë, më e madhja e kapur në nivel kombëtar, është ekzekutuar nga Komanda Provinciale e Guardia di Financës në Katania me ndihmën e repartit të Antiterrorizmit të Palermos, që kanë mbikëqyrur nga toka e nga ajri kamionin e blinduar me 1600 pako kokainë, i cili ka mbërritur në një rafineri siciliane në Siracusa, ku është kryer dhe eliminimi i lëndës narkotike.

Kjo sasi e madhe kokainë u kap në pranverë të këtij viti më brigjet lindore siciliane e analiza e procesit hetimor konfirmoi se ishte prodhuar në Amerikën e Jugut.

Sasia e madhe e kokainës si dhe vlera e lartë ekonomike, çuan në ngritjen e një task force speciale për transportin, mbikëqyrjen deri në shkatërrimin e saj në fabrikën termoshkatërrues.

Mjeti i blinduar ku ishte pozicionuar kokaina që po transportohej, ishte i pajisur me një aparaturë të veçantë të sofistikuar për gjurmimin e tij deri në fazën finale të ekzekutimit të operacionit.

Kjo është sasia më e madhe e kokainës kapur në territorin italian.