Vrasësi gjakftohtë i dy shqiptarëve në Greqi fillimisht skanoi zonën në sheshin Nea Smyrni dhe më pas u fut brenda në lokalin e mbushur me klientë duke i qëlluar për vdekje.

Ekzekutuesi profesionist ka pasur objektivin e qartë dhe ka qenë i saktë në gjuajtjet e tij.

Ai mban veshur kominoshe të zeza, xhup me kapuç, çizme sportive dhe maskë kirurgjikale.

Kur afrohet drejt tavolinës ku ishin ulur viktimat është i ftohtë, nuk i interesojnë klientët përreth, nxjerr pistoletën nga xhepi i xhupit me dorën e djathë dhe qëllon.

Krimi i rëndë ndodhi pak pas orës 21:30. Pasi qëlloi mbi dy shqiptarët, vrasësi u largua nga vendngjarja.

41-vjeçari u qëllua me dy plumba në kokë dhe ndërroi jetë në vend, ndërsa 44-vjeçari mori një plumb në gjoks dhe u dërgua në spital por nuk arriti të mbijetojë.

Objektiv dyshohet se ishte 41-vjeçari. Dy viktimat njihen prej vitesh me njëri-tjetrit dhe është ngritur pista hetimit se vrasjet ndodhën për larje hesapesh