FBI 'bastis' rezidencën e Donald Trump në Mar-a-Lago në Florida
Ish-presidenti I SHBA-së Donald Trump është shprehur se FBI i ka bastisur rezidencën e tij Mar-a-Lago në Palm Beach, Florida.
Trump tha se ata kishin kontrolluar dhe kasafortën e tij.
Ai ishte në Kullën Trump në Nju Jork kur u ekzekutua urdhri i kontrollit në Florida, është shprehur një burim për CNN.
‘’ Shtëpia ime Mar-A-Lago në Palm Beach, Florida, është aktualisht nën rrethim dhe e pushtuar nga një grup i madh agjentësh të FBI-së”, tha Trump në një deklaratë të hënën në mbrëmje.
Lëvizja e jashtëzakonshme për të kontrolluar shtëpinë e një ish-presidenti ngre rrezikun për Departamentin e Drejtësisë dhe vjen ndërsa problemet ligjore të Trump vazhdojnë në fronte të shumta.
Trump pritet gjithashtu në muajt e ardhshëm të njoftojë se do të hedh kandidaturën për president në 2024.
Departamenti i Drejtësisë ka dy hetime aktive të njohura të lidhura me ish-Presidentin, një për përpjekjen për të rrëzuar zgjedhjet presidenciale të vitit 2020 dhe 6 janar 2021, dhe tjetri që përfshin trajtimin e dokumenteve të klasifikuara .
Djali i Trump, Eric, i tha prezantuesit të Fox, Sean Hannity se "qëllimi i bastisjes, sipas asaj që ata thanë, ishte sepse Arkivi Kombëtar donte, të vërtetonte nëse Donald Trump kishte apo jo ndonjë dokument në posedim të tij".
Christina Bobb, avokatja e Trump, tha se FBI sekuestroi dokumente.
"Presidenti Trump dhe ekipi i tij ligjor kanë qenë bashkëpunues me zyrtarët e FBI-së dhe DOJ-së në çdo hap të rrugës. FBI kreu një bastisje të paparalajmëruar dhe sekuestroi dokumente" tha Bobb.
Arkivi Kombëtar tha se kishte marrë 15 kuti nga Mar-a-Lago, disa prej të cilave përmbanin të dhëna të klasifikuara.
Presidentëve të SHBA-së u kërkohet me ligj që të transferojnë të gjitha letrat, dokumentet e punës dhe emailet e tyre në Arkivin Kombëtar.
Por zyrtarët thonë se ish-presidenti grisi ilegalisht shumë dokumente.
Disa prej tyre duhej të ngjiteshin përsëri së bashku, thanë Arkivat. T
rump në atë kohë hodhi poshtë raportet se ai kishte keqpërdorur të dhënat zyrtare si “lajme të rreme”.
LEXO TE NGJASHME