Sipas Ministrisë së Shëndetësisë të Brazilit, viktima atje vuante nga limfoma dhe një sistem imunitar i dobësuar që e rënduan gjendjen e tij.

Brazili deri më tani ka raportuar 1,066 raste të konfirmuara dhe 513 raste të dyshuara të virusit. Të dhënat nga Ministria e Shëndetësisë e Brazilit tregojnë se më shumë se 98% e rasteve të konfirmuara ishin te meshkujt që kryenin marrëdhënie seksuale me meshkuj.

Menjëherë më pas, Ministria e Shëndetësisë e Spanjës konfirmoi vdekjen e parë në Evropë nga virusi.

Në një raport thuhej se nga 3,750 pacientë me line e majmunit, që ka informacion, 120 ose 3.2% ishin shtruar në spital dhe një kishte vdekur. Nuk është dhënë asnjë informacion i mëtejshëm për viktimën.

Sipas Qendrave për Kontrollin dhe Parandalimin e Sëmundjeve, ka 21,148 raste në mbarë botën.

Virusi i lisë së majmunit është anëtar i së njëjtës familje virusesh si lija, megjithëse është shumë më pak i rëndë dhe ekspertët thonë se shanset për infektim janë të ulëta.

Ndodh kryesisht në pjesë të largëta të vendeve të Afrikës Qendrore dhe Perëndimore, pranë pyjeve tropikale të shiut.

Zyrtarët e shëndetësisë po rekomandojnë që njerëzve në rrezik më të lartë të ekspozimit ndaj virusit - duke përfshirë disa meshkuj homoseksualë dhe biseksualë, si dhe disa punonjës të kujdesit shëndetësor - duhet t'u ofrohet një vaksinë.

Javën e kaluar, drejtori i përgjithshëm i OBSH-së Dr Tedros Adhanom Ghebreyesus tha se shpallja e shpërthimit një emergjencë globale shëndetësore do të ndihmonte në përshpejtimin e zhvillimit të vaksinave dhe zbatimin e masave për të kufizuar përhapjen e virusit.

Dr Tedros tha se rreziku i lisë së majmunëve është i moderuar globalisht, por i lartë në Evropë.

Por, shtoi ai, “ky është një shpërthim që mund të ndalet me strategjitë e duhura në grupet e duhura”. OBSH po lëshon rekomandime, të cilat shpreson se do të nxisin vendet të ndërmarrin veprime për të ndaluar transmetimin e virusit dhe për të mbrojtur ata që janë më të rrezikuar.