Medalja e çmimi Nobel për Paqen e gazetarit rus shitet në ankand: të ardhurat për fëmijët ukrainas
Medalja e çmimit Nobel për Paqen e gazetarit rus Dmitry Muratov është shitur në ankand në Nju Jork për 103 milionë dollarë.
Të ardhurat do t'i shkojnë UNICEF-it për të ndihmuar fëmijët e zhvendosur nga lufta në Ukrainë.
Muratov, u nderua me medaljen e artë në tetor 2021, pasi ndihmoi në themelimin e gazetës së pavarur ruse Novaya Gazeta.
Ai ishte kryeredaktor i gazetës kur u mbyll në mars për shkak të goditjes së Kremlinit ndaj lirisë së mediave.
