Thashethemet e nxehta: A do të japë dorëheqjen Papa Françesku?
Ekspertët e Vatikanit po spekulojnë: Papa Françesku, 85 vjeç, mund të japë dorëheqjen si Papa Benedikti XVI në vitin 2013.
E pazakontë: Françesku ka mbledhur një asamble të kardinalëve më 27 gusht- në mesin e verës së lartë romane.
Ai dëshiron të emërojë 21 kardinalë të rinj, 16 prej të cilëve kanë të drejtë të zgjedhin Papën.
Vetëm një ditë më vonë, Françesku ka njoftuar një vizitë në qytetin e L’Aquila. Aty janë varrosur eshtrat e Çelestinit, Papës së parë që dha dorëheqjen në vitin 1294.
Një gjest i ndërgjegjshëm?
Në vitin 2013, Benedikti u bë Papa i parë në 700 vjet që dha dorëheqjen vullnetarisht.
Arsyetimi i 85-vjeçarit të atëhershëm: Ai kishte arritur në përfundimin se nuk kishte fuqinë e duhur për shkak të moshës për të vazhduar shërbimin Petrus në mënyrën e duhur.
Në kohën e dorëheqjes së tij, nuk dihej zyrtarisht për sëmundjen e Papës së atëhershëm. Megjithatë, në muajt para dorëheqjes së tij, spekulimet për shëndetin e Benediktit ishin shtuar pasi ai nuk kishte lajmëruar më udhëtime.
Françesku u kritikua për herë të fundit, kur në një intervistë në fillim të majit, fajësoi NATO-n për luftën në Ukrainë. Konkretisht, ai akuzoi aleancën perëndimore të mbrojtjes se ka ‘lehur në derën e Rusisë’.
