‘Tymi i zi’ për embargon e naftës ruse, përçarja në samitit të BE-së
"Pas fillimit të agresionit rus ndaj Ukrainës, ne kemi parë se çfarë mund të ndodhë kur Evropa të jetë e bashkuar. Shpresojmë që uniteti do të tregohet në samitin të hënën. Por ai tashmë ka filluar të shkërmoqet."
Kështu deklaroi ministri gjerman i Ekonomisë, Robert Habeck, duke folur për shtypin vendas për ngërçin e sanksioneve ndaj Rusisë, në prag të samitit të jashtëzakonshëm të liderëve të BE-së.
Kujtojmë që Sllovakia dhe Hungaria janë shprehur se nuk do t’i mbështesin sanksionet ndaj energjisë ruse, përshkak se vendet e tyre janë shumë të varur ndaj kësaj energjie.
Ministri i jashtëm i Hugarisë Peter Szijjarto është shprehur më herë se vendi i tij nuk do të votojë për sanksione që “do ta bënin të pamundur transportin e gazit natyror ose të naftës nga Rusia në Hungari”.
Ndërsa ministri sllovak i Ekonomisë, Richard Sulik, ditë më parë u shpreh se do të duheshin vite që rafineria e vetme e vendit të tij, Slovnaft, të kalonte nga nafta bruto ruse në një lloj tjetër nafte.
