Britania miraton terapinë parandaluese antivirale të AstraZeneca
Rregullatori britanik i barnave ka miratuar trajtimin anti-infeksion të bazuar në antitrupa AstraZeneca për Covid-19 tek të rriturit me një përgjigje të dobët imune, një hap i madh në luftën kundër pandemisë ndërsa infeksionet rriten në mbarë botën.
Vendimi për miratimin e Evusheldit për trajtim u mbështet nga organi i pavarur këshillimor shkencor i qeverisë, njoftoi Agjencia Rregullatore Britanike për Barnat dhe Produktet Shëndetësore (MHRA).
Shifrat që tregojnë një rritje globale të rasteve me Covid-19 mund të paralajmërojnë një problem shumë më të madh, tha Organizata Botërore e Shëndetësisë këtë javë, duke paralajmëruar kombet të qëndrojnë vigjilentë, raporton Reuters .
Megjithëse 85% e britanikëve mbi 12 vjeç janë vaksinuar me dy doza, disa njerëz me imunitet të dobësuar ose ata me një histori të efekteve anësore të rënda nga vaksina mund të kenë nevojë për një alternativë parandalimi.
“Megjithëse vaksinat kundër kovid-19 janë ende linja e parë e mbrojtjes kundër kovid-19, ne e dimë se disa njerëz mund të mos përgjigjen në mënyrë adekuate ndaj këtyre vaksinave”, tha shefi i MHRA-s, June Raine.
Vaksinat mbështeten në një sistem imunitar të paprekur për të zhvilluar antitrupa të synuar dhe qeliza që luftojnë infeksionin, por Evushed përmban antitrupa laboratorikë të krijuar për të qëndruar në trup për muaj të tërë për të mbajtur virusin në rast infeksioni.
Terapia u zbulua se zvogëlon rrezikun e zhvillimit të COVID-19 simptomatike me 77 përqind në prova dhe mbrojtja zgjat të paktën gjashtë muaj pas një doze të vetme, tha MHRA.
Është treguar gjithashtu se Evusheld shpëton jetë dhe parandalon përparimin e sëmundjes kur jepet brenda një jave nga simptomat e para.
Britania dhe AstraZeneca aktualisht nuk kanë një kontratë për të blerë Evusheld.
AstraZeneca tha në një deklaratë se shpresonte se terapia do të ishte e disponueshme për britanikët "sa më shpejt të jetë e mundur".
Evusheld është nën mbikëqyrjen evropiane dhe është i autorizuar në Shtetet e Bashkuara për të parandaluar infeksionet me Covid-19 te njerëzit me sistem të dobët imunitar ose një histori të efekteve anësore të rënda të vaksinave kundër koronavirusit.
MHRA deklaroi se trajtimi, i dhënë si një injeksion intramuskular, nuk duhet t'u jepet njerëzve të infektuar me virusin Covid-19 SARS-CoV-2 ose që së fundmi janë ekspozuar ndaj dikujt me virus.
Megjithatë, rregullatori paralajmëroi se nuk kishte të dhëna të mjaftueshme për të vlerësuar plotësisht efektivitetin e Evusheld kundër variantit shumë ngjitës të omicron.
AstraZeneca tha në dhjetor se një studim laboratorik tregoi se trajtimi ruajti aktivitetin e tij neutralizues ndaj omicron.
Eli Lily, Regeneron dhe GSK janë prodhues të barnave që po punojnë gjithashtu në terapi të bazuara në antitrupa për Covid-19.
