Kaosi në Kazakistan, fillojnë arrestimet e para të ish zyrtarëve të lartë
Autoritetet kazake kanë arrestuar Karim Massimov , ish-kreun e Komitetit të Sigurisë Kombëtare të vendit, dhe zyrtarë të tjerë të dyshuar për tradhti.
Ndërsa e ardhmja e vendit mbetet e pasigurt, Komiteti i Sigurisë Kombëtare të Kazakistanit është shprehur në një deklaratë se ka filluar një nga komiteti më 6 janar, në përputhje me nenin e tradhtisë të Kodit Penal të Republikës së Kazakistanit.
Në deklaratë bëhet e ditur se Karim Masimov, ish-kryetar i Komitetit të Sigurisë Kombëtare të Kazakistanit, është arrestuar nën dyshimin për kryerjen e krimit të lartpërmendur.
Forcat e sigurisë të premten thanë se kishin arritur të merrnin kontrollin e rrugëve të Almaty, qyteti më i madh i Kazakistanit, pas ditësh trazirash.
Ndërsa ditën e djeshme, presidenti i mbështetur nga Rusia Kasim-Yomart Tokayev njoftoi se kishte urdhëruar forcat e sigurisë që të hapnin zjarr ndaj protestuesëve pa paralajmërim.
Masimov është vendosur në një qendër paraburgimi të përkohshëm së bashku me personat e tjerë të ndaluar në hetim.
Karim Masimov, i cili u emërua në vitin 2016, u shkarkua nga posti i tij si Kryetar i Komitetit të Sigurisë Kombëtare me vendim të Presidentit të Kazakistanit Kasım Cömert Tokayev më 6 janar, për shkak të protestave.
Edhe Samat Abish, nipi i ish-presidentit të Kazakistanit Nursultan Nazarbayev, u pezullua gjithashtu nga posti i tij si Zëvendëskryetar i Komitetit të Sigurisë Kombëtare.
