Joe Biden zbarkon në Evropë për dy samite ndërkombëtare
Presidenti i SHBA Joe Biden ka mbërritur në Evropë për dy samite ndërkombëtare, duke e lënë në harresë axhendën e tij të brendshme prej 2.75 trilionë dollarësh në Uashington.
Zoti Biden kishte shpresuar të trumbetonte një paketë mjedisore të favorshme për liderët e tjerë botërorë në një konferencë klimatike në Mbretërinë e Bashkuar. Por kolegët e tij demokratë i braktisën planet për votim të enjten, duke e lënë të gjithë platformën e tij në ajër.
Ai zbarkoi në Romë në mëngjes herët të premten për një samit të G20 ku planet për një taksë minimale globale do të jenë në axhendë.
Presidenti i dytë katolik i Amerikës do të takohet gjithashtu me Papa Françeskun në Vatikan të premten.
Më pas ai do të shkojë në Skoci të dielën në mbrëmje për konferencën e Kombeve të Bashkuara për klimën, COP26, në Glasgow.
Zoti Biden do të kërkojë të projektojë mesazhin se SHBA është kthyer në luftën kundër ngrohjes globale pasi paraardhësi i tij, Donald Trump, u tërhoq nga marrëveshja e Parisit për klimën.
Përpara se të largohej nga Shtëpia e Bardhë për në Romë, Biden tregoi një plan të zvogëluar shpenzimesh, i cili ishte produkt i muajve konsultime.
Ai iu lut kolegëve demokratë gjatë një takimi me dyer të mbyllura në Capitol Hill për të mbështetur planet e tij legjislative, duke thënë se donte të provonte gjatë dy samiteve se demokracia e SHBA-së ende funksionon.
"Pjesa tjetër e botës pyet veten nëse ne mund të funksionojmë," u citua të thoshte ai nga mediat amerikane.
Kryetarja e Dhomës së Përfaqësuesve, Nancy Pelosi u bëri thirrje demokratëve që të mos e vënë në siklet zotin Biden duke u revoltuar. Por anëtarët më liberalë të partisë refuzuan të ndiqnin planet pa garanci se të dyja paketat e shpenzimeve do të votoheshin së bashku.
Çfarë ka në planin e propozuar të shpenzimeve?
555 miliardë dollarë synojnë të luftojnë ndryshimet klimatike, kryesisht nëpërmjet stimujve tatimorë për burimet e rinovueshme dhe me emetim të ulët të energjisë
400 miliardë dollarë për arsim parashkollor falas dhe universal për të gjithë fëmijët 3 dhe 4 vjeç
150 miliardë dollarë për të ndërtuar një milion njësi banimi të përballueshme.
