OBSH paralajmëron se pandemia do të zgjasë dhe në 2022
Pandemia e Covid-it “do të vazhdojë edhe një vit më shumë se sa duhet”, sepse vendet më të varfra nuk po i marrin vaksinat që u nevojiten, tha Organizata Botërore e Shëndetësisë.
Dr. Bruce Aylward, udhëheqës i lartë në OBSH, tha se kjo do të thotë që kriza e Covid "mund të shtriqet deri në 2022". Më pak se 5% e popullsisë së Afrikës janë vaksinuar, krahasuar me 40% në shumicën e kontinenteve të tjera.
Mbretëria e Bashkuar ka dërguar më shumë se 10 milion vaksina në vendet në nevojë. Ajo ka premtuar një total prej 100 milion.
Dr. Aylward u bëri thirrje vendeve të pasura që të heqin dorë nga radha për vaksinat, në mënyrë që kompanitë farmaceutike të mund t'u japin përparësi vendeve me të ardhura më të ulëta.
Ai tha se vendet e pasura kishin nevojë të "regjistronin" ku ishin me angazhimet e tyre të donacioneve që kishin marrë në samite të tilla si takimi i G7 në St Ives këtë verë.
"Mund t'ju them se nuk jemi në rrugën e duhur," tha ai. "Ne me të vërtetë duhet ta shpejtojmë atë ose e dini çfarë? Kjo pandemi do të vazhdojë për një vit më shumë sesa duhet."
Vaksina Popullore - një aleancë bamirësie - ka publikuar shifra të reja që tregojnë se vetëm një nga shtatë nga dozat e premtuara nga kompanitë farmaceutike dhe vendet e pasura po arrijnë në shtetet më të varfra.
