Çekia do të rihapë kufijtë për BE dhe Serbinë më 21 qershor
Republika Çeke ka njoftuar se do të rihapë kufijtë e saj për qytetarët e BE dhe Serbisë më 21 qershor
Të ardhurit do të duhet të tregojnë dëshmi të vaksinimit, të infeksionit të mëparshëm me Covid-19 ose të një rezultati negativ të testit, raporton AFP.
Qeveria gjithashtu ka rritur kapacitetin e audiencës në ngjarjet kulturore deri në 1,000 vetë brenda ambienteve dhe 2,000 jashtë.
Ndërkohë, në shkolla, mësuesit dhe fëmijët do të lejohen të shkojnë pa maska në shumicën e rajoneve të vendit.
Në fillim të këtij viti, vendi - i cili deri më tani ka 1,66 milionë raste të konfirmuara të koronavirusit dhe 30,164 vdekje - kishte më shumë vdekje dhe infeksione për frymë. Por numrat tani janë ulur në nën 500 raste të reja në ditë.
