Britania nuk ua heq karantinën, vizitorëve që kthehen nga Spanja dhe Greqia
Njerëzit nga Britania do të jenë në gjendje të fluturojnë në Gjibraltar dhe Maltë por jo në Spanjë dhe Greqi nën skemën e dritës jeshile të Kryeministrit të Mbretërisë së Bashkuar, Boris Johnson, raportoi të martën gazeta The Sun.
Dy shtetet mesdhetare me diell janë vendosur të përfshihen në listën e gjelbër për udhëtime pa karantinë pas 17 majit që do të shpallet këtë të premte, sipas gazetës.
Statusi i gjelbër për ato vende do të thotë që britanikët mund të kthehen pas vizitave atje duke bërë vetëm dy teste Covid-19.
Spanja dhe Greqia ka të ngjarë të duhet të presin deri në qershor, shtoi raporti, duke cituar burime. Këto dy vende ka të ngjarë të jenë në listën tjetër që do të thotë se njerëzit mund të vizitojnë por do të duhet të bëjnë karantinë për 10 ditë kur të kthehen në Mbretërinë e Bashkuar, thoshte gazeta.
Shumicës së destinacioneve kryesore, përfshirë Francën, do t'u jepet “udhëtimi i gjelbër” përpara pushimeve verore të shkollës në korrik, raportoi The Sun.
Britania është vendosur të shpallë listën e gjelbër për vendet në të cilat njerëzit mund të udhëtojnë me pushime së shpejti dhe do të ketë procedurat e duhura për të siguruar që udhëtimet të mund të ndodhin në mënyrë të sigurt, tha të martën ministri i tregtisë Liz Truss.
