Japonia përballë emergjencës së Covid-19, tre muaj para Olimpiadës
Qeveria e Japonisë do të shpallë gjendjet e emergjencave të virusit në Tokio dhe tre rajone të tjera të premten, saktësisht tre muaj para ceremonisë së hapjes Olimpike, ndërkohë që infeksionet e reja rriten, raporton AFP.
Masat do të jenë më të rrepta sesa gjendja e fundit e jashtëzakonshme e Japonisë, e vendosur në disa pjesë të vendit nga janari, por ende nuk arrijnë bllokimet e ashpra që shihen në disa pjesë të botës.
"Ne kemi një sens të fortë krize," tha të premten ministri i Japonisë për reagimin ndaj pandemisë, Yasutoshi Nishimura.
Ndaj, do t'u kërkohet bizneseve që shërbejnë alkool të mbyllen ose të ndalojnë shërbimin e alkoolit nga 25 prilli deri në 11 maj, dhe gjithashtu të mbyllen objektet kryesore tregtare si qendrat tregtare dhe dyqanet e departamenteve.
Një deklaratë zyrtare e emergjencës pritet të premten vonë - me masën që pritet të mbulojë fillimisht rajonet e Tokios, Osakës, Kiotos dhe Hyogo.
Afati mund të zgjatet nëse përhapja e virusit vazhdon.
"Ne do të marrim masa të forta, të shkurtra dhe të përqendruara emergjente," tha zëdhënësi i lartë i qeverisë Katsunobu Kato, duke i quajtur restorantet "pikat kryesore të infeksionit" pasi një panel ekspert mbështeti propozimin.
