Katër të vdekur, 52 të arrestuar pasi mbështetësit e Trump sulmuan Kapitolin
Uashington -Katër njerëz vdiqën dhe 52 u arrestuan, tha shefi i policisë i Ëashington D.C., pasi mbështetësit e Presidentit Donald Trump sulmuan Kapitolin e SHBA të mërkurën për të ndaluar Kongresin të çertifikonte fitoren e Presidentit të zgjedhur Joe Biden.
Në një konferencë për shtyp natën vonë, Shefi i Departamentit të Policisë Metropolitane Robert J. Contee tha se 47 nga 52 arrestimet e deritanishme kishin të bënin me shkeljen e shtetrrethimit të orës 18:00 të Kryetarit të Bashkisë Muriel Boëser dhe se 26 prej tyre përfshinin njerëz të arrestuar përreth Kapitolit të SHBA.
Disa të tjerë u arrestuan me akuza në lidhje me mbajtjen e armëve të zjarrit pa leje ose të ndaluara.
Përveç kësaj, Contee tha se dy bomba artizanale u gjetën në selinë e komiteteve republikane dhe demokratike, si dhe një ftohës në një automjet pranë territorit të Kapitolit të SHBA që përmbante kokteje Molotov.
Contee nuk pranoi të identifikonte gruan që një oficer i Policisë së Kapitollit e qëlloi dhe vrau, duke thënë se pritej njoftimi për të afërmit.
