Kolegji Elektoral mblidhet sot për të zgjedhur zyrtarisht Joe Biden si Presidentin e ardhshëm
Uashington - Kolegji Elektoral mblidhet të hënën në Shtetet e Bashkuara për të zgjedhur zyrtarisht Joe Biden si presidentin e ardhshëm të kombit.
E hëna është dita e caktuar me ligj për mbledhjen e Kolegjit Elektoral. Në realitet, anëtarët e Kolegjit mblidhen në të 50 shtetet dhe në Distriktin e Kolumbisë për të hedhur votat e tyre. Rezultatet do të dërgohen në Uashington dhe do të paraqiten në një sesion të përbashkët të Kongresit më 6 janar, të kryesuar nga Zv.Presidenti Mike Pence.
Votat e Kolegjit kanë tërhequr më shumë vëmendje se zakonisht këtë vit sepse Presidenti Donald Trump ka refuzuar të pranojë zgjedhjet dhe ka vazhduar të bëjë akuza të pabazuara për mashtrim.
Biden ka planifikuar t'i drejtohet kombit të hënën mbrëma, pasi anëtarët e Kolegjit të kenë votuar. Ndërkohë Trump është duke u mbështetur në pretendimet e tij të rreme se ai fitoi zgjedhjet, por gjithashtu po minon presidencën e Biden para se të fillojë.
"Jo, unë shqetësohem nëse vendi ka një president të paligjshëm, kjo është ajo për të cilën shqetësohem. Një president që humbi dhe humbi keq, ”tha Trump në një intervistë për Fox News që u regjistrua të shtunën.
Pas javësh sfida ligjore republikane, që u hodhën poshtë me lehtësi nga gjykatësit, Trump dhe aleatët republikanë u përpoqën të bindnin Gjykatën e Lartë javën e kaluar të linte mënjanë 62 vota elektorale për Biden në katër shtete, të cilat mund ta kishin vënë në dyshim rezultatin. Gjykatësit e refuzuan këtë përpjekje të premten.
Biden fitoi 306 vota elektorale me 232 vota për Trump. Por duhen 270 vota për t’u zgjedhur.
