Bilanci i viktimave të shkatuara nga tërmeti me madhësi 6.6 Rihter është rritur. Sipas mediave turke, deri më tani janë raportuar 17 viktima dhe 709 të plagosur.

Rajoni më i prekur nga tërmeti në Turqi është Izmiri ku dhe është raportuar numri më i lartë i viktimave, të plagosurve dhe dëmeve materiale.

Tërmeti me magnitutë 6.6 në shkallë rihter ka rënë në detin Egje në orën 12:51, 19 kilometra nga ishulli grek i Samos dhe në shumë afër nga qyteti i Turqisë, Izmiri.

Ndërkohë dëme janë raportuar dhe në Greqi, ku deri më tani janë regjistruar 9 të plagosur dhe dy fëmijë të vdekur.