Francë, hyjnë në fuqi rrregullat e reja për maskat, 'më të komplikuara se gramatika'
Rregullat e reja të mbajtjes së maskave të fytyrës në vendin e punës hyjnë në fuqi në Francë. Qeveria është kritikuar në më shumë se një rast gjatë kësaj krize, për mesazhe konfuze mbi maskat.
Sipas një gazete, rregullat për të mbajtur maska ??në zyra tani janë më të komplikuara sesa gramatika franceze.
Më herët këtë muaj, Ministria e Punësimit tha që maskat e fytyrës do të bëheshin sistematike - që është "sistematike", jo "e detyrueshme" - për të gjithë punonjësit në hapësirat e përbashkëta të punës, duke përfshirë korridoret, dhomat e takimeve dhe dhomat e ndërrimit.
Tani janë publikuar detaje të hollësishme se kur punonjësit mund të heqin maskat e tyre, me masa të ndryshme të kërkuara në pjesë të ndryshme të vendit, në varësi të përhapjes së koronavirusit që qarkullon atje.
Në zonat më pak të prekura, maskat mund të hiqen përkohësisht nëse ndërtesa ka ajrosje të mjaftueshme, tryezat ndahen nga ekranet ose xhama.
Në "zonat e kuqe" si Parisi, secilit punonjës i nevojiten katër m katrorë hapësirë ??përreth vetes nëse dëshiron të heqë maskën.
Vendi po përballet me sfidën më të madhe në trajtimin e virusit që nga fundi i bllokimit, pasi shkollat ??po rihapen dhe njerëzit po kthehen në punë pas pushimit të verës.
Numri i rasteve të reja të koronavirusit në Francë është rritur në rreth 30,000 në javë - katër herë nga fillimi i verës.
