Greqia ndaloi sot festat dhe mbylli tregjet e hapura në dy nga vendet më të njohura të pushimeve, si masë kundër përhapjes së koronavirusit.

Grumbullimet e njerëzve kufizohen vetëm në 9 persona në ishullin Mykonos dhe në të gjithë zonën bregdetare të Halkidiki, me vetëm katër persona ose gjashtë, nëse janë të afër me njëri tjetrin. Vetëm duke iu referuar këtyre masave dhe shifrave, pushuesit do të mund të drekojnë në restorante apo të dalin për një pije në lokale.

Masat gjithashtu përfshijnë edhe vendosjen e detyrueshme të maskave në hapësirat publike.

Gjatë 24 orëve të fundit në Greqi janë testuar pozitivë 217 persona, ndërsa dy pacientë kanë humbur betejën me COVID-19.

Autoritetet greke të mbrojtjes civile njoftuan sot masat e reja, të cilat do të hyjnë në fuqi nga e Premtja dhe do jenë në fuqi deri të paktën më 31 gusht, shkruan SHQIP.

Jo më shumë se katër persona mund të ulen në të njëjtën tryezë në restorante. Vetëm nëse janë shumë të afërt, pra kushërinj, në këtë rast kufiri rritet në gjashtë persona.

Festa, ceremonitë, procesionet fetare dhe tregjet e hapura janë të ndaluara sipas rregullave të reja.

Qeveria ka vendosur kufizime për të luftuar përhapjen e virusit, duke përfshirë edhe mbylljen e bareve dhe restoranteve nga mesnata.

Autoritetet gjithashtu kanë kërkuar që të rinjtë të mbajnë maska ??kur kthehen nga pushimet.

Kujtojmë se Mykynos preferohet edhe nga shqiptarët, ku çdo vit, me mijëra kalojnë pushimet aty.
(burimi: GazetaShqip)