Guvernatori i Teksasit jep urdhër të mbahen maska në fytyrë
Guvernatori i Teksasit, Greg Abbott ka urdhëruar që të mbahen maska në fytyrë në ambientet publike ndërkohë që shteti po përballet me rritjen e rasteve të infektimit.
Direktiva vlen për qarqet me më shumë se 20 ose më shumë raste me Covid-19, pjesa më e madhe e 254 qarqeve të Teksasit.
Texas arriti një rekord të më shumë se 8,000 rasteve të koronavirusit brenda një ditë të mërkurën, nga rreth 2.400 që pati dy javë më parë.
Amerikanët do të kremtojnë Katër Korrikun në fundjavë, me disa plazhe të mbyllura dhe fishekzjarret të anuluara.
Deri tani ka pasur 2.7 milionë infeksione të regjistruara në shkallë vendi dhe më shumë se 128,000 vdekje që nga fillimi i pandemisë.
"Mbajtja e një maske në fytyrës do të na ndihmojë të mbajmë hapur bizneset në Teksas," tha z. Abbott, kur njoftoi urdhrin.
Pas një paralajmërimi fillestar, ata që refuzojnë mbajtjen e maskave do të gjobiten deri në 250 dollarë.
"Më lejoni të jem i qartë: askush nuk do të futet në burg për shkeljen e kësaj praktike mbrojtëse," tha guvernatori.
