Shtetet e Bashkuara do të mbledhin të martën përfaqësuesit e më shumë se 40 vendeve për të diskutuar luftën në Ukrainë. Takimi pritet të përqendrohet tek armatosja e Kievit në përpjekje për t’u mbrojtur nga një sulm vendimtar rus në lindje të Ukrainës, thanë zyrtarët amerikanë, sipas Reuters.

Një grua japoneze e certifikuar si personi më i vjetër në botë ka vdekur në moshën 119-vjeçare, thanë zyrtarët lokalë të hënën, (25 prill). Kane Tanaka lindi më 2 janar 1903, në rajonin jugperëndimor Fukuoka të Japonisë , në të njëjtin vit që vëllezërit Wright fluturuan për herë të parë dhe Marie Curie u bë gruaja e parë që fitoi një çmim Nobel.

Sekretari amerikan i Shtetit, Antony Blinken dhe sekretari amerikan i mbrojtjes, Lloyd Austin, u takuan me presidentin e Ukrainës, Vladimir Zelenski, në Kiev, kryeqyteti i Ukrainës.

Përveç ndihmës që Sekretari i Shtetit Antony Blinken dhe Sekretari i Mbrojtjes Lloyd Austin i premtuan presidentit ukrainas Volodymyr Zelenskyy ata caktuan dhe ambasadoren e re të SHBA-së në Ukrainë, shkruan BBC.