Ukraina ka pranuar pothuajse 530 milionë dollarë grante nga Shtetet e Bashkuara dhe Britania nga fondi i krijuar në Bankën Botërore, ku mund të bëhen donacione për Qeverinë e Kievit, pas nisjes së pushtimit rus.

Presidenti Joe Biden niset të enjten për një vizitë për nxitjen e aleancës në Azi, një udhëtim i parë dhe i vonuar në një rajon por që mbetet kryesor për qëllimet e tij të politikës së jashtme edhe pse fokusi i tij është tërhequr, për shkak të luftës në Ukrainë.

Presidenti ukrainas Volodymyr Zelensky e ka akuzuar Rusinë se e ka kthyer rajonin lindor të Donbasit në "ferr", ndërkohë që luftimet intensive atje vazhdojnë. Gjatë fjalimit të tij të natës nga Kievi, ai tha se forcat ruse kishin rrafshuar rajonin. "Ka sulme të vazhdueshme në rajonin e Odesës, në qytetet e Ukrainës qendrore. Donbasi është shkatërruar plotësisht," tha ai.

Pasi vrau mendjen gjatë, presidenti francez Emmanuel Macron emëroi si kryeministre ministren e Punës, Elisabeth Borne. Është hera e dytë që një grua merr këtë post, dhe Borne nevojitet sidomos për manaxhim krizash.