Ka 1 vaksinë që mbron dhe nga varianti Delta; Ja çfarë ka zbuluar studimi i ri
Vaksinat anti-COVID të kompanisë amerikane Johnson & Johnson janë 71% efektive në shmangien e hospitalitzimit dhe 96% në parandalimin e vdekjes përkundrejt variantit “delta” të koronavirusit. Ky është konkluzioni i një studimi masiv në të cilin kanë marrë pjesë plot 477 mijë subjekte në Afrikën e Jugut, të cilët kishin marrë vaksinën J&J nga shkurti deri në maj të këtij viti.
Subjektet e studimit ishin punonjësit e sektorit shëndetësor të cilët ishin vazhdimisht të ekspozuar përkundrejt koronavirusit dhe variantit të tij më agresiv “delta”. Gjithashtu, në studimin e kryer nuk ka rezultuar as edhe një rast i vetëm me efekte serioze anësore pas marrjes së vaksinës e cila administrohet me një dozë të vetme, ndryshe nga Pfizer, AstraZeneca dhe Moderna që duhet të merren me dy doza për të ofruar imunizim maksimal.
Kompania amerikane Johnson & Johnson është zotuar që të dorëzojë në Afrikë (kontinenti me nivelin më të ulët të vaksinimit anti-COVID) 200 milion doza vaksinash brenda vitit 2022.
