Varianti Delta, rrezikshmëria, kulmi i virusit dhe masat; Flet zv.ministrja e Shëndetësisë Eugena Tomini
Në një intervistë për Tv Klan zv ministrja e Shëndetësisë Eugena Tomini foli për situatën e variantit Delta në vendin tonë duke shpjeguar:
“Aktualisht me konfirmimin e rasteve të Deltës në Shqipëri nuk bën më përjashtim. Parashikimi dhe gjasat janë që në mes të Gushtit të përcaktojë edhe variantin më dominant me transmetueshmëri shumë të lartë siç është Delta në mbarë botën dhe kjo transmetueshmëri nuk e përjashton edhe mundësinë e Shqipërisë ne parapërgatitje dhe të qenit në alert. Sigurisht që edhe për Shqipërinë është shqetësim në vlerat e alertit të të gjithë strukturave shëndetësore, por duke mos krijuar panik por përgjegjshmëri”.
Zv.ministrja tha se vaksinimi me dy dozat është me rëndësi për qytetarët, pasi shmanget format e rënda të sëmundjes:
“Vaksinimi nuk të përjashton nga infektimi por mbron nga format e rënda, shtrimi në spital dhe vdekja. Është sëmundje respiratore me dhimbje fyti, koke dhe temperaturë, nuk ka shenjat e shijes dhe nuhatjes. Deri tani ka treguar që kalohet më lehtë, por do të shihet në vazhdimësi”.
