Aktualitete

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. MSHMS apelon qytetarët që kanë kaluar 6 muaj nga kryerja e dozës së dytë të vaksinës, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Ambasada britanike i ka kërkuar Kuvendit të votojë zgjatjen e organeve të vetting-ut.Përmes një njoftimi, ambasada e Britanisë së Madhe thekson se zbatimi i reformës në Drejtësi është thelbësor për një sistem drejtësie të pavarur dhe efikas për të ardhmen e Shqipërisë.

Gadishulli i Ballkanit po ndikohet nga periferia e presionit të lartë atmosferik ku pritet stabilitet i motit në vendin tonë . E mërkurë, data 9 shkurt 2022

Greqia ka ndryshuar kushtet për të gjithë personat që do të futen në territor. Kushtet do të jenë të njëjta me ato që vlejnë dhe për qytetarët e BE-së dhe atyre të vendeve që janë përfshirë në certifikatën dixhitale evropiane.

Nënvarianti Omicron pritet të bëhet dominues në të gjithë botën, sipas Organizatës Botërore të Shëndetësisë. I njohur gjithashtu si Omicron 2, ky nënvariant ka disa mutacione që e bëjnë më të lehtë për tu përhapur se lloji origjinal.