Operatorët turistikë të bregdetit të Durrësit-Golemit janë të vetmit që nuk po ankohen për ecurinë e aktivitetet këtë sezon. Në sportelin e një hoteli, pranë Shkëmbit të Kavajës, një çift i ri po bën ‘check-in’. Punonjësja i shpjegon se janë të përfshira të gjitha vaktet dhe pije pa limit. Kur e pyesim nëse ka dhoma bosh, sipërmarrësja pohon se edhe mund të gjejnë, po përgjithësisht hoteli është i zënë.

Qytetarët kanë paralajmëruar protestën e radhës sot në orën 19:30 pas heshtjes qeveritare ndaj krimit të rëndë në Potam të Himarës. Qytetarët kanë kërkuar shkarkimin e ministrave Bledi Çuçi dhe Mirela Kumbaro dhe largimin e Drejtorit të Përgjithshëm të Policisë së Shtetit, Gledis Nano.

Pas një të hëne të nxehtë, e marta duket se do të jetë pak më e freskët. Sipas parashikimit të motit nga Shërbimi Meteorologjik Ushtarak, gjatë së martës pritet të ketë një rënie të lehtë temperaturash prej 1 gradë celsius.

Situata me zjarret në vendin tonë vijon të mbetet kritike. Sipas të dhënave nga Qendra Kombëtare Operacionale e Emergjencave Civile, gjatë 24 orëve të fundit janë raportuar 23 vatra zjarri, nga të cilat janë shuar 19 dhe janë aktive 4 vatra zjarri.